कडाक्याच्या उन्हापासून आणि घामापासून सुटका मिळवण्यासाठी अनेकजण

(Air Conditioner) वापरतात.

एसीही (AC) अनेकांची अत्यावश्यक गरज बनला आहे. घर, ऑफिस, गाडी सगळीकडे एसी दिसतो. तापमान 40 अंश सेल्सिअसच्या टप्प्यात पोहोचताच अनेक लोकांनी एसीचा वापर वाढवलाय. पण तुम्हाला माहित आहे का एसीच्या अती वापराने आपल्या शरीरावर किती वाईट परिणाम होतो? श्वसनाशी संबंधित समस्या, दमा,

(Dehydration), 

(Dehydration), डोकेदुखी (Headache) यासह डोळे कोरडे होणे,त्वचा कोरडी होणे, अश्या समस्या जाणवतात. जे लोक एसीमध्ये जास्त वेळ राहतात त्यांना नाक आणि घशाशी संबंधित श्वसनाच्या समस्यांना सामोरे जावं लागतं. श्वास घेण्यास अडथळे निर्माण होऊ शकतात. हे व्हायरल इन्फेक्शन किंवा ऍलर्जीमुळेही होऊ शकते. त्यामुळे एसीचा मर्यादित वापर करणं कधीही चांगलं.

दमा आणि ऍलर्जीचा त्रास असलेल्या लोकांसाठी एसी आणखी धोकादायक ठरू शकतो. प्रदुषणापासूनचा धोका टाळण्यासाठी काही लोक स्वतःला घरात बंदिस्त करून घेतात. पण तुम्हाला माहित आहे का की घरात बसवलेला एसी नीट साफ केला नाही तर अस्थमा आणि अॅलर्जीचा त्रास असलेल्या लोकांना त्रास होऊ शकतो. एसीमध्ये जास्त वेळ राहिल्याने आपल्या नाकाला जास्त थंड हवा लागते. बाहेरचं ऊन आणि आत एसी यामुळे सर्दी होऊ शकते. जे लोक एसीमध्ये जास्त वेळ बसतात त्यांना खाज सुटणे किंवा कोरडी त्वचेची समस्या खूप सामान्य आहे. सूर्याच्या तीव्र किरणांच्या संपर्कात राहण्यामुळे तसेच एसीमध्ये जास्त वेळ राहिल्याने त्वचेच्या कोरड्या पडण्याची समस्या वाढते. संवेदनशील त्वचा असलेल्या लोकांनी यामध्ये अधिक काळजी घ्यावी.

एसीमध्ये राहणाऱ्या लोकांमध्ये डिहायड्रेशनची समस्या अधिक दिसून येते. जर एसी खोलीतील जास्त आर्द्रता शोषून घेत असेल तर तुम्हाला डिहायड्रेशनचा सामना करावा लागू शकतो. एसीमुळे होणारी डिहायड्रेशनची समस्या देखील डोकेदुखी किंवा मायग्रेनचे कारण बनू शकते. डिहायड्रेशन हे एक ट्रिगर आहे ज्याकडे अनेकदा मायग्रेनच्या बाबतीत दुर्लक्ष केले जाते. एसीमध्ये राहिल्यानंतर लगेच उन्हात बाहेर पडल्यास डोकेदुखीचा त्रास वाढू शकतो. जर तुम्हाला डोळे कोरडे होण्याची समस्या असेल तर एसीमध्ये जास्त वेळ बसणे तुमच्यासाठी तोट्याचं आहे. डोळ्यांना खाज सुटणे आणि अस्वस्थता या समस्येमुळे खूप त्रास होऊ शकतो. ड्राय आय सिंड्रोम असलेल्या लोकांना एसीमध्ये जास्त वेळ न राहण्याचा सल्ला दिला जातो.